அலிகார்: இசைப் புயல் ஏ.ஆர்.ரஹ்மானுக்கு அலிகார் முஸ்லீம் பல்கலைக்கழகம் கெளரவ டாக்டர் பட்டத்தை வழங்கி சிறப்பித்தது.உ.பி. மாநிலம் அலிகாரில் உள்ள முஸ்லீம் பல்கலைக்கழகத்தில் நடந்த கண்கவர் நிகழ்ச்சியில் ரஹ்மான் டாக்டர் பட்டத்தைப் பெற்றுக் கொண்டார்.
ஜூன் 7- ஆஸ்கர் விருதுபெற்ற இசையமைப்பாளர் ஏ.ஆர். ரஹ்மானுக்கு அலிகார் முஸ்லீம் பல்கலைக்கழகம் கௌரவ டாக்டர் பட்டம் வழங்கியது.பல்கலைக்கழக வளாகத்தில் இன்று நடைபெற்ற பட்டமளிப்பு விழாவின்போது அவருக்கு இப்பட்டம் வழங்கப்பட்டது.பின்னர் ஏ.ஆர். ரஹ்மான் தனது ஏற்புரையில், ''இஸ்லாமிய சமூகம் தற்போது வளர்ச்சியில் பின்தங்கியுள்ளது.
நமது வாழ்க்கையில் அறிவுத் தேடலுக்கான தாகத்தை மீண்டும் கொண்டு வரவேண்டும். அமைதியான பலமான இந்தியாவை உருவாக்க இளைஞர்கள் தங்கள் பங்களிப்பை தரவேண்டும்'' என்றார்
முன்னாள் குடியரசுத் தலைவர்கள் ஜாகிர் உசேன், அப்துல் கலாம் ஆகியோருக்கும் அலிகார் பல்கலைக்கழகம் ஏற்கனவே கெளரவ டாக்டர் பட்டம் வழங்கியுள்ளது. தற்போது அந்த பெருமையாளர்கள் பட்டியலில் ரஹ்மானும் இணைந்துள்ளார்.
No comments:
Post a Comment